Хотын дарга асан Э.Бат-Үүл уул уурхай, нүүрсний ханштай холбоотойгоор дараах байр суурийг илэрхийлсэн байна. Тэрбээр "Нүүрсний үнэ унаасай. Одоогоос 20 гаруй жилийн өмнө Стивен Фиш тэргүүтэй судлаачид, Монголын уул уурхайн баялаг үнэд орвол “баялагийн хараал” тусаж, ардчилалаар зогсохгүй, төр нь хүртэл сүйрэх эрсдэлд орж болзошгүй гэж анхааруулж байсан юм. Ёсоор л болж байна.

Өнөөдөр Монголын улс төр, уул уурхайн баялгаа, бялуугаа булаацалдах зодооноос өөр юу ч биш болсон. Гайтай юм шиг их гүрнүүдийн алалцаан улам хүчээ аван хавсарч эхэлсэн. Монголын эрх чөлөөг авч үлдэх ухаан, боломж бүрийг шавхан ашиглах хэрэгтэй байна" гэжээ.