УИХ-ын Эдийн засгийн байнгын хорооны хуралдаанаар “ТЭЦ-3”-ын өргөтгөл, шинэчлэлийн төслийн зураг төсөл боловсруулах тухай ЗГ хоорондын хэлэлцээрийг хэлэлцэж дэмжсэн.

Дээрх төсөл нь ОХУ-ын зээлээр хэрэгжих гэж буйг УИХ-ын зарим гишүүд эсэргүүцэж байгаа юм. УИХ-ын гишүүн Х.Тэмүүжин "Эрчим хүчний эх үүсвэр дээр мөнгө байхгүй гээд айлаас бадар гуйх. Тэгсэн атлаа бөөн халамж, бэлэн мөнгө тараалт, үргүй зардал. Төсвийн төлөвлөлт, санхүүгийн сахилга бат гэдэг юм үнэхээр бүтэл нь бөгсөөрөө эргэчихсэн байна" гэлээ.