Ерөнхийлөгчийн Тамгын газраас "Хавдар судлалын үндэсний төв 2"-ын асуудлаар мэдээлэл хийлээ. Тодруулбал өчигдөр /2024.12.16/ Ерөнхийлөгч У.Хүрэлсүх захирамж гаргаж, "Хавдар судлалын үндэсний төв 2"-ын барилгын ажилд дэмжлэг үзүүлэх Ажлын хэсгийг байгуулсан байна.

Ажлын хэсгийг Ерөнхийлөгчийн Ахлах зөвлөх Н.Хүрэлбаатар ахалж, Сангийн сайд Б.Жавхлан, Эрүүл мэндийн сайд Т.Мөнхсайхан, УИХ-ын гишүүн Ж.Чинбүрэн, Н.Алтаншагай, Л.Мөнхбаясгалан, ЗГХЭГ-ын дарга У.Бямбасүрэн, ЭЗХЯ-ны Төрийн бичгийн дарга И.Батхүү, ХСҮТ-ийн Ерөнхий захирал Н.Эрдэнэхүү нарын бүрэлдэхүүнтэйгээр байгуулжээ.

Ажлын хэсгийн ахлагч Н.Хүрэлбаатар хэлэхдээ "СХД-ийн нутаг дэвсгэрт 95.308 м.кв талбай бүхий цогцолбор төв байгуулагдана. 2025 оны төсөвт дэд бүтцийн асуудлыг шийдвэрлэхээр хөрөнгө тусгагдсан байгаа" гэлээ.