УИХ-ын ээлжит чуулганы хуралдаан үргэлжилж байна. Хуралдаанаар ирэх оны Төсвийн тухай хуулийн хоёр дахь хэлэлцүүлгийг хийж, холбогдох хууль тогтоомжийн заалтуудад санал хурааж байна. Энэ үеэр УИХ-ын гишүүн С.Бямбацогт "Юу ч хийдэггүй төслийн нэгж, газруудыг цэгцлэх хэрэгтэй. Эгийн голын УЦС-ын төслийн нэгж л гэхэд 40-д тэрбум төгрөгийн зээлийг ХБ-наас авсан хэрнээ үр ашиггүй баахан цаас үйлдвэрлэчихсэн. Баян-Өлгий, Алтанбулагийн чөлөөт бүс гэж юу ч хийдэггүй байгууллагууд бий" гэв.