Баянхонгор аймгийн Баацагаан сумын нутагт өнөөдөр 04:37:50 цагт 5.2 магнитудын газар хөдлөлт бүртгэгджээ. Газар хөдлөлт Баянхонгор аймгийн Баянцагаан сумын төвөөс хойд зүгт 38км, Баацагаан сумын төвөөс баруун урд зүгт 49км, Баян-Өндөр сумын төвөөс хойд зүгт 64км-т болсон талаар ШУА-ийн Одон орон, геофизикийн хүрээлэн мэдээллээ.
Энэхүү газар хөдлөлт тус сумд он гарсаар бүртгэгдсэн хоёр дахь тохиолдол болж байна. Сануулбал, Баацагаан сумын нутагт өнгөрсөн тавдугаар сард 3.5 магнитудын газар хөдлөлт бүртгэгдэж байв.
