УИХ-ын Нийгмийн бодлогын байнгын хороогоор Эрүүл мэндийн даатгалын үндэсний зөвлөлийн 2023 оны үйл ажиллагааны тайланг сонслоо. Энэ үеэр Эрүүл мэндийн сайд Т.Мөнхсайхан гишүүдийн асуултад хариулт өгсөн юм. Тэрбээр УИХ-ын гишүүн Ц.Мөнхтуяагийн асуусан сангуудын өр барагдуулалтын талаарх асуултад "Капитал банкны өрөнд хураагдсан барилгад Эм, эмнэлгийн хэрэгслийн агентлаг байдаг. Тэднийхийг оруулсан юм билээ. Тийм учраас өөрөөсөө өөртөө мөнгө авч хийх асуудал үүсчихээд байгаа.

Капитал банкны өрөнд 46 тэрбумын үл хөдлөх хөрөнгө аваад, өнөөдрийн байдлаар 10 тэрбумын борлуулалт хийгдсэн. Бид банканд байгаа хөрөнгүүдээ авах боломжгүй гээд хаяж болохгүй" гэх хариултыг өглөө.