УИХ-ын Аюулгүй байдал, гадаад бодлогын байнгын хорооны хуралдаанаар Монгол Улсын 2025 оны төсвийн тухай, Үндэсний баялгийн сангийн 2025 оны төсвийн тухай, Нийгмийн даатгалын сангийн 2025 оны төсвийн тухай, Эрүүл мэндийн даатгалын сангийн 2025 оны төсвийн тухай хуулийн төслүүдийн хоёр дахь хэлэлцүүлгийг хийж байна.

Энэ үеэр Батлан хамгаалахын сайд С.Бямбацогт хугацаат цэргийн алба хаалтын асуудлаарх УИХ-ын гишүүн Д.Ганбатын асуултад "18-26 насны бүх эрчүүдийг цэргийн алба хаалгана гэвэл төсөв хөрөнгө, байр сууцнаас эхлээд зардал их гарна. Цэргийн ангиудын ихэнх нь 50-иас дээш жилийн насжилттай учраас ХУУЧИРЧ МУУДСАН" гэх тайлбарыг өглөө.