УИХ-ын сонгуульд нэр дэвшигчид хуулийн хүрээнд сурталчилгааны хугацаанд хандивын данс нээж, иргэд, ААН-үүдээс хандив цуглуулж, сурталчилгаандаа зарцуулдаг.

Тэгвэл шинээр бүрдсэн парламентын 126 гишүүд хэчнээн иргэн, ААН-ээс хандив цуглуулж, сонгуульд оролцсоныг цувралаар хүргэж эхэлсэн. Энэ удаа дараах 10 гишүүний хандивын мэдээллийг танилцуулж байна.

-Ш.Бямбасүрэнд 111.9 сая төгрөгийн хандив цугларсан-

УИХ-ын сонгуулийн 6-р тойрог буюу зүүн бүсийн Хэнтий, Дорнод, Сүхбаатар аймагт Ардчилсан намаас нэр дэвшин ялалт байгуулсан Ш.Бямбасүрэнд 51 иргэнээс 51.9 сая, 2 хуулийн этгээдээс 60 сая буюу нийт 111.9 сая төгрөгийн хандив орж иржээ.

Хуулийн этгээдийн тухайд:

“Ганхэрлэн” ХК – 30 сая

-“ЗМЗ” ХХК – 30 сая төгрөгийн хандив шилжүүлсэн байна. Харин өөрийн хөрөнгөөсөө 400 саяыг нэмж байршуулсан аж.

Зарцуулалт:

-Тараах материал – 155 сая

-Гудамж талбайд зурагт самбар, лед дэлгэц байрлуулах – 30 сая

-Уулзалт, хурал цуглаан хийх – 220 сая

-Радио телевиз ашиглах – 33.1 сая

-Цахим орчин ашиглах – 27.2 сая төгрөг зарцуулжээ.

-С.Бямбацогтод ямар ч хандив ирээгүй ч өөрөөсөө 855 сая төгрөг байршуулж, зарцуулжээ-

Хоёрдугаарт, УИХ-ын гишүүн, одоогийн Батлан хамгаалахын сайд С.Бямбацогтод ямар нэг иргэн, хуулийн этгээдээс хандив ирээгүй бөгөөд өөрийн хөрөнгөөсөө 855 сая төгрөгийг хандивын дансандаа байршуулж, сонгуульдаа зарцуулжээ.

Зарцуулалт:

-Тараах материал 101.8 сая

- Гудамж талбайд зурагт самбар, лед дэлгэц байрлуулах – 37.2 сая

-Намын далбааг гудамжинд байршуулж, уриа ашиглах – 330 мянга

- Уулзалт, хурал цуглаан хийх – 4 сая

-Сонгууль эрхэлсэн байгууллагын үйл ажиллагааны зардал – 254.8 сая

-Сурталчилгаанд радио телевиз ашиглах – 191.4 сая

- Цахим орчин ашиглах – 6.4 сая төгрөгийг тус тус зарцуулсан байна.

-С.Ганбаатарт 39.9 сая төгрөгийн МӨНГӨН БУС хандив орж иржээ-

Гуравдугаарт, УИХ-ын гишүүн Сайнхүүгийн Ганбаатарт нэг хуулийн этгээдээс 20 сая, 161 иргэнээс 456.8 сая, 9 иргэнээс 39.9 сая төгрөгийн хандивыг мөнгөн бус байдлаар авчээ. Хуулийн этгээдүүдийн мэдээллийг шалгах гэсэн боловч ҮАГ-ын мэдээлэлд байршаагүй байлаа.

Зарцуулалт:

-Сонгууль эрхэлсэн байгууллагын үйл ажиллагааны зардал – 282 сая

-Радио телевиз ашиглах – 40 сая

-Цахим орчин ашиглах – 42.3 сая

-Сонин сэтгүүлд материал нийтлүүлэх – 57.4 сая төгрөг зарцуулжээ.

-Ж.Ганбаатар өөрөөсөө 150 саяыг дансандаа байршуулж ашиглажээ-

Дөрөвдүгээрт, УУХҮ-ийн сайд асан, УИХ-ын гишүүн Жамбалын Ганбаатарт 1 иргэнээс 3.5 сая, 1 хуулийн этгээд буюу “Сээкл” ХХК-аас 30 сая төгрөгийн хандив шилжүүлсэн байна. Харин тэрбээр өөрийн хөрөнгөөсөө 150 сая төгрөгийг хандивын дансандаа байршуулж ашигласан аж.

Зарцуулалт:

-Тараах материал – 41.5 сая

-Уулзалт, хурал цуглаан хийх – 15 сая

-Сонгууль эрхэлсэн байгууллагын үйл ажиллагааны зардал – 113.5 сая төгрөг зарцуулжээ.

-Д.Ганбатад 12 ААН-ээс 159 саяыг хандивласан бол өөрөө дансандаа 500 сая төгрөг байршуулжээ-

Тавдугаарт, УИХ-ын гишүүн Д.Ганбатад 12 иргэнээс 35.4 сая мөн 12 ААН-ээс 159 сая төгрөгийн хандив цугларчээ. Мөн өөрийн хөрөнгөөсөө 500 саяыг дансанд байршуулж ашигласан аж. Хуулийн этгээдүүдийн тухайд:

-“Чанад түншлэл” ХХК – 5 сая

-“Энержи Ресурс” ХХК – 30 сая

-“Юнайтед пауэр” ХХК – 10 сая

-“Ухаа худаг” ХХК – 30 сая

-“Тавантолгой нисэх буудал” ХХК – 30 сая

-“Техник импорт” ХК – 30 САЯ

-“Ундарга интернэйшнл” ХХК – 5 сая

-“Монгол битум индустрал” ХХК – 5 сая

-“Хөтөл тэлмэн констракшн” ХХК – 5 сая

-“Мөнхийн зул” ХХК- 1 сая

-“Даганалтай дэрс” ХХК – 5 сая

-“Тулгат эрдэнэ трейд” ХХК – 3 сая төгрөгийн хандив шилжүүлсэн байна.

Зарцуулалт:

-Тараах материал – 15.1 сая

-Сонгууль эрхэлсэн байгууллагын үйл ажиллагааны зардал – 149.6 сая

-Радио телевиз ашиглах – 27 сая

-Цахим орчин ашиглах – 15.2 сая төгрөг зарцуулжээ.

-М.Ганхүлэгт 174 иргэн 598.4 сая төгрөг хандивласан-

Зургаадугаарт, ХХААХҮ-ийн дэд сайд асан, УИХ-ын гишүүн М.Ганхүлэгт ямар нэг хуулийн этгээд хандив өгөөгүй бөгөөд 174 иргэнээс 598.4 саяыг хандивлажээ.

-Уулзалт, хурал цуглаан хийх – 52.4 сая

-Сонгууль эрхэлсэн байгууллагын үйл ажиллагааны зардал – 523.1 сая

-Цахим орчин ашиглах – 7 сая төгрөг зарцуулсан аж.

-Х.Ганхуягт ямар нэг хуулийн этгээд хандив өгөөгүй-

Долоодугаарт, УИХ-ын гишүүн Хассуурийн Ганхуягт ямар нэг хуулийн этгээд хандив өгөөгүй бөгөөд 66 иргэнээс нийт 395.1 сая төгрөг хандивласан байна.

Зарцуулалт:

-Тараах материал хэвлүүлэх – 78.5 сая

-Уулзалт, хурал цуглаан хийх – 19.9 сая

- Сонгууль эрхэлсэн байгууллагын үйл ажиллагааны зардал – 129.9 сая

-Радио телевиз ашиглах – 50.6 сая

-Цахим орчин ашиглах – 53.7 сая төгрөг зарцуулжээ.

-Ц.Даваасүрэнд "Энержи Ресурс"-аас 30 саяыг хандивласан-

Наймдугаарт, УИХ-ын гишүүн Ц.Даваасүрэнд 36 иргэнээс 281.8 сая, 7 хуулийн этгээдээс 165 сая төгрөгийн хандив иржээ. Хуулийн этгээдүүдийн тухайд:

-“Эм Ти Юу” ХХК – 30 сая

-“Энержи Ресурс” ХХК – 30 сая

-“Юнайтед пауэр” ХХК – 30 сая

-“Ухаа худаг ус хангамж” ХХК- 10 сая

-“Х.Батбаатар төсөв төсөл” ХХК – 5 сая

-“Би Ти Жи Эн” ХХК – 30 сая

-“Содонсанаа” ХХК – 30 сая төгрөг тус тус хандивласан байна.

Зарцуулалт:

-Тараах материал – 127.4 сая

-Уулзалт, хурал цуглаан – 11.5 сая

-Сонгууль эрхэлсэн байгууллагын үйл ажиллагааны зардал – 479 сая

- Радио телевиз ашиглах – 5 сая

-Цахим орчин ашиглах – 3.5 сая төгрөг зарцуулсан аж.

-Г.Дамдинням өөрөөсөө 700 саяыг дансандаа байршуулж сонгуульдаа ашиглажээ-

Есдүгээрт, УИХ-ын гишүүн Г.Дамдиннямд 2 иргэнээс 5.1 сая, “Бодь даатгал” ХХК-аас 5 сая төгрөг хандивлажээ. Харин өөрийн хөрөнгөөсөө 700 сая төгрөг дансандаа байршуулж, сонгуульдаа зарцуулсан байна.

Зарцуулалт:

-Тараах материал – 50.8 сая

-Уулзалт, хурал цуглаан хийх – 10 сая

- Сонгууль эрхэлсэн байгууллагын үйл ажиллагааны зардал – 427.5 сая

-Радио телевиз ашиглах – 5.1 сая

-Цахим орчин ашиглах – 21.2 сая

-Өдөр тутмын сонин сэтгүүлд материал нийтлүүлэх – 20 сая

-Бусад зардал – 5 сая төгрөг зарцуулсан гэж дурджээ.

-Б.Дэлгэрсайханд ямар нэг хуулийн этгээд хандив өгөөгүй, өөрөөсөө 50 саяыг дансандаа байршуулжээ-

Аравдугаарт, Зам тээврийн сайд Борхүүгийн Дэлгэрсайханд иргэдээс нийт 450 сая төгрөгийн хандив өгсөн бол ямар нэг хуулийн этгээдээс хандив өгөөгүй байна. Харин өөрийн хөрөнгөөсөө 50 сая төгрөг нэмж байршуулан ашиглажээ.

Зарцуулалт:

-Тараах материал – 57.6 сая

-Сонгууль эрхэлсэн байгууллагын үйл ажиллагааны зардал – 345.3 сая төгрөг зарцуулсан бол үлдэгдэл 96.9 сая төгрөг харилцах дансанд байршиж байгаа гэж мэдээлэлдээ дурджээ.