Нийслэлийн хэмжээнд энэ онд 87 байршилд 162.3 км авто зам шинэчлэхээр төлөвлөсөн байдаг. Хотын дарга Х.Нямбаатар “Авто зам шинэчлэлийн ажлыг зогсоож, хуулийн байгууллагад шалгуулах эсэх талаар санал асуулга явуулна” хэмээн мэдэгдсэний дагуу өчигдрөөс эхлэн нийслэлийн иргэдийн дунд цахимаар санал, асуулга явуулж эхэлсэн юм.

Тодруулбал, нийслэлийн Засаг даргын Тамгын газрын албан ёсны www.ulaanbaatar.mn сайтаар нэг өдрийн байдлаар нийт санал өгсөн 1430 иргэн байгаагийн 141 нь буюу 10 хувь нь зогсоох нь зүйтэй гэж үзсэн бол 1288 иргэн зам засварын ажлыг зогсоохыг дэмжихгүй гэдгээ илэрхийлжээ.