Apple компанийн “iPhone 16” шинэ загвар есдүгээр сараас худалдаанд гарах тухай мэдээлэл цацагдснаас хойш хүлээлт үүсгээд буй. Тэгвэл энэ сарын 20-нд худалдаалж эхлэх нь.
Тодруулбал, Улаанбаатарын цагаар өнгөрсөн шөнө Apple компани “Glowtime” хэмээн нэрлэсэн арга хэмжээнийхээ үеэр iPhone 16 шинэ загвараа танилцуулсан байна. Уг бүтээгдэхүүн нь дөрвөн өөр хувилбартай. Урьдчилсан захиалга нь өнөөдөр нээгдэх нь.
Энэ удаагийн iPhone загвар хиймэл оюуны Apple Intelligence технологийг үйлдлийн системдээ шингээсэн гэдгээрээ онцлог. Үүнээс гадна камерын хувьд нэлээд сайжруулж, шинэ үеийн процессороор тоноглож, шинэ товчтой болжээ.
