Хичээл сургуулийн үйл ажиллагаа эхэлсэнтэй холбогдуулан замын хөдөлгөөний ачаалал эрс нэмэгдлээ. Тиймээс иргэдийн зүгээс автомашинуудыг дугаарын хязгаарлалтаар зорчуулах санал гаргаж буй. Харин өнөөдөр “20 минутын хот” Үндэсний хороо анхдугаар хуралдаанаа хийж тодорхой шийдвэрүүдийг гаргажээ.

Ингэхдээ "Иргэдийн дунд санал асуулга явуулж, зөвшөөрсөн тохиолдолд дугаарын хязгаарлалт хийнэ" гэж 20 минутын хот-Үндэсний хорооны дарга Р.Эрдэнэбүрэн мэдээллээ. Мөн тэрбээр "УИХ-ын гишүүд, яам тамгын газар, Засгийн газарт "Автомашинаасаа бууцгаая. Автобусанд сууцгаая" гэж уриалж, автобус хүлээлгэж өгнө" гэсэн юм.

Мөн Хотын дарга Х.Нямбаатар "Саарал ордонд байдаг бүх ажилтан, албан хаагчдыг ажилчдын автобусаар яваач ээ гээд нийслэлийн нийтийн тээвэрт явж байгаа төр, хувийн хэвшлийн 9 автобусыг жолоочтой нь ЗГ, УИХ-д өгч байна" гэлээ.