Төв цэнгэлдэх хүрээлэнгээр иргэд наймдугаар сарын 1-нийг дуустал үнэ төлбөргүй үйлчлүүлэхээр болсон. Энэ талаар "Төв цэнгэлдэх хүрээлэн" ХХК-ийн Гүйцэтгэх захирал Ж.Энхжаргалан "2024.07.18-ны өдрөөс эхлэн 2024.08.01-ныг дуустал өглөө 06:00-23:00 цагийн хооронд 16-р хаалгаар иргэдэд & эцэг эхчүүд хүүхэд багачуудад нээлттэй үнэ төлбөргүй үйлчлэнэ. Иргэдийг дотор тамхи татахгүй, хог тарихгүй, цэвэрхэн үйлчлүүлэхийг хүсье" гэжээ.

Мөн тэрбээр "Наймдугаар сарын 4-нөөс намрын эхний тоглолтын бэлтгэл ажил орж ирэх тул хугацаа нь ингэж таарлаа. 16-р хаалганы эрэгтэй & эмэгтэй нойл давхар үнэ төлбөргүй ажиллана. Ариун цэврийн өрөөгөөр бас цэвэрхэн үйлчлүүлэхийг хүсье" гэжээ.