Ц.Төрхүү: Энэ бол eртөнцийн ямар ч агуу техник арилгаж үл чадах толбо. Үүнийг хүн гараараа зүлгэж цэвэрлэхээс өөр аргагүй

Ангилал
Нийгэм
Огноо
Унших
2 минут 1 секунд

ТҮК-ийн ажилтан Сүхбаатарын талбайг мөлхөж цэвэрлэж буй бичлэг цахим орчинд гарсан нь олны шүүмжлэлийг дагуулаад буй. Энэ талаар Улаанбаатар хотын Ерөнхий менежер Ц.Төрхүү тайлбар хийж, байр сууриа илэрхийлжээ. Тэрбээр,

"Энэ бол eртөнцийн ямар ч агуу техник арилгаж үл чадах толбо. Үүнийг хүн гараараа зүлгэж цэвэрлэхээс өөр аргагүй ээ. Яг л өөрийн гэрийнхээ шалыг, хивсийг угааж буй мэт сэтгэлээр төв талбайгаа цэвэрлэж суугаа ТҮК-ийн ажилчны дүр зургийг буулгасан хүнд талархмаар байна. Тэд ингэж ажилладаг.

Эрх ярьж, хааж боолоо гээд хаа сайгүй худалдаа, үйлчилгээ эрхлэгчид гомдоллодог ч зам, талбайг ийм болгосон дүр зураг дараа нь угтдаг. Та бүхэн үүргээ биелүүлэх үү, eр нь боломж, сэтгэл бий юу гэж асуумаар байна.

Эдгээр толбыг л гэхэд өнөөдөр үүсгэсэн. Арилгахын тулд маргааш ТҮК-ийн ажилтнууд дахиад мөлхөнө.

Бид Төв цэнгэлдэх хүрээлэнг маш сайхан болгож засаж янзалсан. Ширхэг чулуу, асфальт нь ч олон хүний хөлс хөдөлмөр. Зарим нь "Наадмаар үйлчилгээ эрхлэх зөвшөөрөл өгсөнгүй" гэж шүүмжилж байна. Авсан хүмүүс нь өөрт оногдсон зай талбайдаа эзний сэтгэлээр хандах болов уу. ТҮК-ийн ажилчид дахиад л мөлхөх үү.

Ажил хийж байгаа нийтийн аж ахуйн салбарынхнаа элдвээр хэлж, цалин нь нэмэгдэхэд багш, эмчээс илүү цалинтай гэж даажигнаж байсан. Түүнийхээ оронд хүн бүр гадуур явахдаа гэртээ байгаа мэт сэтгэлээр хотдоо хандах сан. Бид нэг хот нэг гэр бүл шүү" гэв.

Ардчилсан нам УИХ-д 42 суудал авсан тул Л.Гантөмөр намаа үргэлжлүүлэн удирдана
Ардчилсан нам УИХ-д 42 суудал авсан тул Л.Гантөмөр намаа үргэлжлүүлэн удирдана
 
Бөхчүүд, харваачдаас авсан допингийн шинжилгээний хариу ирсэн ч Баяр наадам зохион байгуулах хороонд танилцуулж амжаагүй байна
Бөхчүүд, харваачдаас авсан допингийн шинжилгээний хариу ирсэн ч Баяр наадам зохион байгуулах хороонд танилцуулж амжаагүй байна
АНХААРУУЛГА: Уншигчдын бичсэн сэтгэгдэлд UBN.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. !
UBN.mn сайтын редакц