ЗГ-т хамтрах эсэх асуудал шийдэгдэх хүртэл МАН-ын бүлгийн даргын томилгоог хүлээлгэж байна

Ангилал
Улс төр
Огноо
Унших
1 минут 14 секунд

Мягмар гарагт болсон МАН-ын Удирдах зөвлөлийн хурлаар хамтарсан Засгийн газар байгуулах асуудалд АН, ХҮН намтай зөвшилцөх Ажлын хэсэг байгуулагдсан билээ.

Тухайн Ажлын хэсэгт Ерөнхий сайд, МАН-ын дарга Л.Оюун-Эрдэнэ, УИХ-ын дарга Д.Амарбаясгалан, МАН-ын Ерөнхий нарийн бичгийн даргын үүрэг гүйцэтгэгч Я.Содбаатар нар багтаж буй.

Дээрх Ажлын хэсэг УИХ-д суудалтай буюу АН, ХҮН намтай зөвшилцөлд хүрсний дараа УИХ дахь МАН-ын бүлгийн дарга болон УИХ-ын дэд даргад томилуулах хүнийхээ нэрсийг тодруулна гэдгийг тус намаас мэдэгдсэн. Гэхдээ дээрх намуудтай ЗГ-т хамтрах эсэх асуудал шийдэгдтэл МАН-ын бүлгийн даргын томилгоог хойшлуулжээ.

Одоогийн байдлаар УИХ-ын гишүүн Ж.Энхбаяр, С.Бямбацогт, Э.Бат-Амгалан нарын нэрс Бүлгийн даргад хамгийн идэвхтэй яригдаж буй. Харин өнөөдөр МАН-ын Бага хурал хуралдаж, томилгооны асуудлуудаа хэлэлцэхээр байсан ч хойшлоод байна. Эх сурвалжийн мэдээлж буйгаар энэ бямба, ням гарагт хуралдаж магадгүй байгаа аж.

Ерөнхийлөгч У.Хүрэлсүх Бүгд Найрамдах Турк Улсын Ерөнхийлөгчтэй уулзлаа
Ерөнхийлөгч У.Хүрэлсүх Бүгд Найрамдах Турк Улсын Ерөнхийлөгчтэй уулзлаа
 
Ээрмэлийн гудамжийг Туулын гудамжтай холбосон 0.6 км авто замыг ашиглалтад орууллаа
Ээрмэлийн гудамжийг Туулын гудамжтай холбосон 0.6 км авто замыг ашиглалтад орууллаа
АНХААРУУЛГА: Уншигчдын бичсэн сэтгэгдэлд UBN.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. !
UBN.mn сайтын редакц