Гэртээ угаартсан иргэд яндангаа авч өрхөө бүтээсэн байжээ

Ангилал
Нийгэм
Огноо
Унших
1 минут 12 секунд

Үргэлжлэн орсон борооны үеэр хоёр иргэн гэртээ угаартсан байна. Тодруулбал, өнгөрсөн шөнө 00:19 минутад цагдаагийн байгууллагын 102 дугаарт “Тахилт …. тоотод хүн угаартсан байна” гэх дуудлага, мэдээлэл ирж Сонгинохайрхан дүүргийн цагдаагийн газрын Нэгдүгээр хэлтсийн алба хаагчид шалгалтын ажиллагаа явуулсан байна. Шалгалтаар 41-43 насны 2 иргэн угаартсан байсныг анхан шатны тусламж үзүүлж, холбогдох байгууллагуудад хүлээлгэн өгсөн байна. Урьдчилсан байдлаар дээрх иргэд яндангаа авч, өрхөө бүтээсэн нөхцөл байдал тогтоогдсон болохыг мэдээлэв.

Иймд үргэлжилсэн борооны улмаас цаг агаар хүйтэрч байгаа энэ өдрүүдэд галлагаа хийхдээ дараах зүйлсийг анхаарахыг зөвлөв.

  • Яндангаа авч, өрхөө бүтээхгүй байх;
  • Ханан пийшин, зуухны битүүмжлэлийг шалгах:
  • Шахмал түлш бүрэн шаталт дуустал яндангийн сойлтыг хаахгүй байх;
  • Пийшин, зуухныхаа үнсний савыг тогтмол цэвэрлэх;
  • Угаар мэдрэгчээ ажиллах байгаа эсэхийг нягталж, болзошгүй эрсдэлээс урьдчилан сэргийлэхийг цагдаагийн байгууллагаас анхааруулж байна.
Биокомбинатын  үерийн эрсдэлтэй бүсээс иргэдийг нүүлгэн шилжүүлж байна
Биокомбинатын үерийн эрсдэлтэй бүсээс иргэдийг нүүлгэн шилжүүлж байна
 
Булганд “Алтаргана-2024” болно
Булганд “Алтаргана-2024” болно
АНХААРУУЛГА: Уншигчдын бичсэн сэтгэгдэлд UBN.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. !
UBN.mn сайтын редакц