Өвөрхангай аймгийн Сант сумын АН-ын дарга Б тус сумын МАН-ын ухуулагч О-гийн гарт амиа алдсан хэмээн АН-аас мэдээлсэн. Тодруулбал, О нь МАН-ын нэр дэвшигчдийн уулзалтад очсонгүй гэх шалтгаанаар Б-г өшиглөхөд түнх нь чихэгдэн орж, улмаар газар дээрээ амиа алдсан гэсэн юм. Тэгвэл уг асуудалд АН-ын дарга Лу.Гантөмөр дараах мэдээллийг өгчээ. Тэрбээр, "МАН энэ түрэмгийлэл, дарамтаа зогсоож намын дарга Л.Оюун-Эрдэнэ нь ард түмнээсээ уучлал гуйх ёстой. Хүний амиар улс төр хийж болохгүй" гэлээ.