Ойрын өдрүүдэд цаг агаар сэрүүсэж үргэлжилсэн бороо орохыг ус цаг уурын байгууллагаас мэдээллээ. Тодруулбал, өнөөдрөөс эхлэн энэ сарын 25 хүртэл нутгийн хойд хэсгээр бороо орж, говь тал хээрийн нутгаар салхи шороон шуургатай байна.
Урьдчилсан мэдээллээр, өнөөдөр буюу 23-нд говийн аймгуудын зарим газар, төвийн аймгуудын ихэнх нутгаар, 24-нд баруун болон говийн аймгуудын нутгийн хойд, төвийн аймгуудын ихэнх нутаг, зүүн аймгуудын нутгийн баруун хэсгээр, 25-нд нутгийн зүүн хагаст, 26-нд Алтай, Хангай, Хөвсгөл, Хэнтийн уулархаг нутаг, Халх голын сав газраар бороо орох төлөвтэй байна.
