Тас.мн сайтын эрхлэгч А.Баярмааг Эрүүгийн цагдаагийн албанаас албадан баривчилсан гэх асуудлаар 2024.05.04-ний өдөр цахим орчинд нэр бүхий хүмүүс мэдээлж байсан юм. Тэгвэл уг мэдээлэлтэй холбогдуулан Сүхбаатар дүүргийн Эрүүгийн хэргийн анхан шатны шүүхээс тойм мэдээлэл бэлтгэн хүргэлээ.

Сүхбаатар дүүргийн Прокурорын газрын хяналтын прокуророос “...сэжигтэн А.Б-г прокурорын мэдэгдэх хуудсаар дуудахад хүндэтгэн үзэх шалтгаангүйгээр ирээгүй, оргон зайлсан үндэслэлээр сэжигтнээр баривчлах...” саналыг 2024 оны 2 дугаар сарын 28-ны өдөр шүүхэд ирүүлсэн байжээ.

Шүүх прокурорын саналыг хянан хэлэлцээд сэжигтэн А.Б-г Монгол Улсын хилээр орж ирсэн үеэс эхлэн сэжигтнээр баривчлах зөвшөөрөл олгож шийдвэрлэсэн байна.