НИТХ-ын хуралдаан үргэлжилж байна. Тус хуралдаанаар Төв цэнгэлдэх хүрээлэнгийн одоогийн эзэмшигчидтэй хэлэлцээр хийх эрхийг НИТХ-аар хэлэлцүүлж байна.
Энэ үеэр Нийслэлийн АН-ын дарга Т.Батцогт "Төв цэнгэлдэх хүрээлэн орчмын газраас 12.6 га газар нь л үлдсэн юм байна. Тэгвэл нийслэлийнхээ иргэдэд цэцэрлэгт хүрээлэн, цэнгэлдэхийн үлдсэн газрыг нь хуваагаад л өгчихье л дөө" гэхэд Хотын дарга Х.Нямбаатар "Зарим зөв юм дээр буруу ишилсэн сүх шиг юм ярихаа болимоор байна, Т.Батцогт оо. Чи тийм сайн байсан юм бол НИТХ-ын төлөөлөгчөөр сонгогдсон цагаас хойш цэнгэлдэх хүрээлэнгийн бузар булайг дэлгээд, нийслэлийн өмчид аваад ирэхгүй яасан юм" гэв.
Харин түүний хариултад Нийслэлийн АН-ын дарга Т.Батцогт "Хүний ярьсныг ойлгодоггүй юм уу. Эсвэл өөрийнхөөрөө ойлгох гэж хичээдэг юм уу. Улаанбаатар хотын иргэдэд газрыг боломжит хувилбарт нь нийцүүлэн олгоё л гэж байгаа юм" гэлээ.
