УИХ-ын чуулганы хуралдаан үргэлжилж байна. Хуралдаанаар Хөрөнгө оруулалтын тухай хууль дахь Гадаадын иргэнд газрыг 100 жилээр эзэмшүүлэх заалтыг хасах хуулийн төслийг хэлэлцэж байна. Энэ үеэр УИХ-ын гишүүн Б.Бат-Эрдэнийн зүгээс 2013 оны Засгийн газрын үед баталсан Хөрөнгө оруулалтын тухай хуультай холбогдуулан байр сууриа илэрхийлэхэд УИХ-ын дарга Г.Занданшатар "Тэр үед бид нар УИХ-ын гишүүн байгаагүй. Та нар УИХ-д байх үед л энэ Хөрөнгө оруулалтын хууль шийдэгдсэн. Үүнийгээ сайн үзэж харах хэрэгтэй" гэв.