Ирэх хичээлийн жилээс эхлэн ЕБС-ийн сурагчдад 3-р ангиас нь эхлэн англи хэлний хичээлийг заахаар болжээ. Энэ талаар БШУ-ны сайд Л.Энх-Амгалан NTV телевизэд өгсөн тодруулгадаа дараах тайлбарыг өгчээ. Тэрбээр,

"Ирэх есдүгээр сарын 1-нээс эхлэн сурагчдад 3-р ангиас нь англи хэлний хичээл заахаар төлөвлөж байна. Үүнээс үүдэж багш нарын хомсдолын асуудал үүсэхээр байна. Мөн багш нарыгаа Филиппин улсад зуны сургалтад хамруулъя гэж төлөвлөж байгаа. Одоогоор хөтөлбөрөө боловсруулж, сурах бичгээ хийж байна" гэжээ.