Дорнод аймгийн Матад сумын Буян-Өндөр багийн “Тархитын хошуу” гэдэг газар энэ сарын 16-ны өдрийн 19:00 цагт иргэн Ц айлын гэрээс гарч яваад сураггүй болсон байдаг. Тэгвэл тухайн иргэнийг эрэн хайх ажиллагаа үргэлжилж байна. Тодруулбал,

Энэ тухай дуудлага мэдээлэл гуравдугаар сарын 18-ны өдрийн 10:00 цагт ОБГ-т ирсэн бөгөөд тус аймгийн Онцгой байдлын газрын алба хаагчид Матад сум дахь Цагдаагийн тасгийн алба хаагчидтай хамтран Сүхбаатар аймгийн Баруун-Урт сумын харъяат иргэн Ц /48 настай, эрэгтэй/-ыг эрэн хайх ажиллагааг гуравдугаар сарын 19-ний өдрийн 06:45 цагаас эхлэн “Петрочайна Дачин Тамсаг” ХХК-ийн газрын тосны 19 дугээр талбайд 24 км-ын тойрогт 2 удаагийн зохион байгуулан ажиллаж мөн өдрийн 18:40 цагт зогсоосон бол өнөөдөр /2024.03.20/ өглөөний 07:00 цагт дахин эхлүүлсэн байна.