Энэ удаагийн парламентын хамгийн "отгон" хаврын чуулган энэ сарын 15-ны баасан гарагт нээлтээ хийх гэж буй. Тэгвэл чуулганы танхим засвартай байгаа учир А танхимд хуралдааныг нээхээр болсон байна.
Учир нь ирэх сонгуулиар 126 гишүүн сонгогдох бөгөөд намрын чуулган завсарласнаас хойш чуулганы танхимыг засварлаж, сандал ширээг нэмэх ажлыг хийж буй аж.
Түүнчлэн хаврын чуулганы хугацаанд 3-4 сонсгол зохион байгуулахаар төлөвлөсөн ба тодруулбал,
- Нийслэлийн газар олголттой холбоотой авлига, хээл хахуул
- Уул уурхайн лиценз олголт
- Ногоон автобусны хэрэг
- Эмийн үнийн өсөлт, чанар стандартын асуудлаар түр хороод сонсгол зохион байгуулах аж.
