Хүүхдэд тохиолдох А бүлгийн бетта стрептококкийн гаралтай ангина, фарингитын оношилгоо, эмчилгээ, хүүхдийн хэрэх өвчний оношилгоо, эмчилгээ, урьдчилан сэргийлэлтийг сайжруулснаар хэрэхийн шалтгаант зүрхний олдмол гажгийн өвчлөлийн хувийг бууруулах зорилгоор Эрүүл мэндийн яам, Нийслэлийн Эрүүл мэндийн газар, Эх, хүүхдийн эрүүл мэндийн үндэсний төв, НҮБ-ийн Хүүхдийн сан хамтран “А Стрептококкийн шалтгаант хоолой залгиурын үрэвсэлт өвчин, хэрэхийн шалтгаант зүрхний олдмол гажгаас урьдчилан сэргийлэх нь” төслийг нийслэлийн хэмжээнд эхлүүлээд байна.

Төслийн хүрээнд Сонгинохайрхан дүүргийн харьяа төрийн болон хувийн хэвшлийн 33 сургуулийн 6-15 насны 60719 хүүхэд хамруулхаар ажиллаж байна.

"А Стретококкийн хурдавчилсан оношлуур" ашиглан илрүүлэг, үзлэгт хамруулан оношлуур эерэг гарсан сурагчдыг амбулаторын хүүхдийн эмчийн үзлэгт орж шаардлагатай тохиолдолд ЭХЭМҮТ-рүү шилжүүлэн нарийвчилсэн үзлэг шинжилгээнд хамруулан ажиллаж байна. Одоогийн байдлаар 15532 хүүхэд үзлэгт хамрагдснаас 928 хүүхэд эерэг гарчээ.