Цахим орчинд LPG газ дэлбэрсэн тул 14 хоногийн турш тухайн осол болсон газраар явах нь эрүүл мэндэд аюултай гэх мэдээлэл тархсан. Тэгвэл уг осол болсон газрын ойр орчимд Нийслэлийн ерөнхий боловсролын 133-р сургууль болон Глобал Олон улсын дунд сургууль байрладаг.

Ирэх долоо хоногийн Даваа гаригаас сурагчдын гуравдугаар улирлын хичээл эхэлж байгаа. Тэгвэл 133-р сургуулийн сурагчдын эцэг, эхийн зүгээс хүүхдүүдийг 14 хоног танхимаар бус цахимаар хичээллүүлэх хүсэлтийг сургуулийн захиргаанд тавьсан байна.

133-р сургуулийн сурагчийн эцэг, эхийн төлөөлөл Д.Болорцэцэг: "Газ гэдэг чинь шууд агаарт дэгддэггүй 14 хоногийн турш хөрсөн дээр байж байдаг гэсэн. Тиймээс би хүүхдээ 14 хоногийн турш сургуульд нь явуулахгүй цахимаар хичээллүүлмээр байна" гэлээ.