Өчигдрөөс эхлэн Эрээн хотын Гаалийн газар авто замын боомтоор орох, гарах зорчигчдын биедээ авч явах эд зүйлийн хэмжээг өөрийн хэрэгцээнд тохируулж хилээр нэвтрүүлэхээр болсон байна. Энэ талаар Эрээн хотод суугаа консулын газраас дараах мэдээллийг өглөө. Тодруулбал,

“БНХАУ-ын Гаалийн хууль”-ийн 4.46-д “Хувь хүн хилээр орох болон гарахдаа биедээ авч явах ачаа тээшний хэмжээ нь зохистой хэмжээнд байх ёстой бөгөөд зөвхөн өөрийн хэрэгцээний тоо хэмжээгээр хязгаарлагдана. Биедээ авч явах ачааг Гаалийн хяналтаар оруулна” гэж заасныг үндэслэн Эрээн хотын Гаалийн газар нэгдүгээр сарын 15-ны өдрөөс эхлэн авто замын боомтоор орох, гарах зорчигчдын биедээ авч явах эд зүйлийн хэмжээг зөвхөн өөрийн хэрэгцээнд зориулан зохистой хэмжээнээс хэтрүүлэхгүй байхыг анхааруулсныг сонордуулж байна" гэв.