Өнгөрсөн он буюу 2023 онд цахим хэрэгсэл ашиглан 7142 этгээд 16 мянга гаруй хэрэг үйлдэн 8965 иргэнд 139 тэрбум төгрөгийн хохирол учруулсан талаар ЦЕГ-аас мэдээллээ.
Түүнчлэн Монгол Улсын хэмжээнд мөрийтэй тоглоомд донтож, эд хөрөнгөө алдаж, сэтгэл санаагаар хохирсны улмаас 6 хүн амиа егүүтгэсэн харамсалтай тоон мэдээлэл байна. Эдгээр амь насаараа хохирсон иргэд 21-29 насны залуучууд байжээ.
Тиймээс цахим мөрийтэй тоглоомны улмаас ямар их харуусал, хагацал гуниг бий болдог гэдгийг иргэн та ойлгож, энэхүү хууль бус үйлдлээс зайлсхийж, татгалзахыг Цагдаагийн байгууллагаас анхааруулж байна.
