Энэ даваа гарагт ерөнхийлөгч Доналд Трамп их долоон улсын (G7) уулзалтыг хойшлуулах хэрэгтэй хэмээн мэдэгдэл хийлээ. Коронавирусний тархалт гэх зэрэг зүйлсээс хамааран уг зохицуулалтыг хийж байгаа бөгөөд арван нэгдүгээр сард АНУ-ын ерөнхийлөгчийн сонгууль явагдсаны дараагаар уг уулзалтыг зохион байгуулах төлөвтэй байна.
Их долоон улсын тэргүүлэгч хүн нь жил бүр ээлжлэн сонгогддог ба ерөнхийлөгч Трамп энэ жил тэргүүлэгч хийж байгаа аж. “Хэдийгээр энэ есдүгээр сард зохиогдох байсан ч уулзалтыг сонгуулийн дараа хийх хүсэлтэй байна” хэмээн Доналд Трамп мэдэгджээ.
Энэхүү их долоон улсын ерөнхийлөгчид зургадугаар сард уулзах байсан ч хойшлогдож онлайн уулзалт болсон ч мөн л өөрчлөгдөж есдүгээр сард уулзах болсныг Трамп мэдэгдээд байсан юм.
Мөн тэрээр их долоогоос гадна өөр улсуудыг тус уулзалтад урих төлөвлөгөөтэй байгаа ба үүнд ОХУ-ын ерөнхийлөгч Владимир Путин ч мөн багтжээ. Д.Трамп В.Путиныг урих хүсэлтэй байгаагаа “учир нь тэр бол чухал төлөөлөгчдийн нэг” хэмээн тайлбарлажээ.
Эх сурвалж: CNN
