Шатахууны хомсдол үүсч, өнгөрсөн амралтын өдрүүдэд иргэд бензин колонкийн гадаа 3-4 цаг дугаарлав. Тэгвэл уг асуудлаар УУХҮ-ийн сайд Ж.Ганбаатар мэдээлэл хийлээ. Тэрбээр "Шатахуун гол ханган нийлүүлэгч ОХУ өөрсдөө дотооддоо шатахууны хомсдолтой байна.

ОХУ шатахууны экспортоо нэмж, Зүүн Өмнөд Ази руу төвлөрсөн. Төмөр замын бөөгнөрөл их байгаа учраас нийлүүлэлт хоцролттой явж байна.

АИ92 бензиний нөхцөл байдал өнөө, маргаашдаа сайжирчих байх гэсэн хүлээлттэй байна. Цаашид АИ92 болон дизель түлшийн үнэ нэмэгдэхгүй" гэлээ.