Нүүрсний хэргийг хянан шалгах түр хорооноос зарласан сонсголын эхний энэ сарын 4-7-ны хооронд болсон. Энэ үеэр зарим НОЦТОЙ баримтууд ил болсон. Тухайлбал,
Өмнөговь аймгийн Ханбогд сумын Засаг дарга Х.Нэхийт 2020-2022 оны хооронд гадаадын хөрөнгө оруулалттай 38 хуулийн этгээдэд 457.3 га газар эзэмших эрх олгосон талаар мэдээллийг шинжээч танилцуулсан. Тэгвэл энэ асуудал нь Эрүүгийн хуульд заасан авлига, албан тушаалын гэмт хэргийн шинжтэй байж болзошгүй байх тул Авлигатай тэмцэх газарт харьяаллын дагуу шилжүүлж шалгуулахаар болсон юм. Засаг дарга Х.Нэхийт АТГ-т мэдүүлсэн 2022 оны Хөрөнгө орлогын мэдүүлгийг танилцуулж байна.
- Өөрийн орлого - 290.2 сая төгрөг
- Гэр бүлийн орлого - 97.4 сая төгрөг
- Нийтийн орон сууц-1, үйлчилгээний зориулалттай 1 обьект - 218 сая төгрөг
- Subaru, Sambar-1, Toyota, Land Cruiser 200-1, Toyota, Highlander-1, Hyundai, Porter-1 автомашин - 242.5 сая
- Тэмээ-90, Адуу-169, Үхэр-20, Хонь-191, Ямаа-55 - 629.1 сая төгрөг
- Эзэмших-5 га-1, Өмчлөх-0.7га-1, Эзэмших-1600м2-1, Өмчлөх-1235м2-1 газар - 120.7 сая
- Үнэт эдлэл - 105.5 сая төгрөг
- Дотоодын банканд 464.9 сая төгрөгийн хадгаламжтай
- Бусдаас 39 сая төгрөгийн авлагатай
- "Говь Гурван Чулуу" ХХК-д нэг, "Ханбогд тээвэр ложистик" ХХК-ийн 19 хувийг эзэмшдэг хэмээн мэдүүлжээ.
