Нүүрсний сонсгол өнөөдөр Төрийн ордонд дөрөв дэх өдрөө үргэлжилснээр эхний шат нь дуусна. Өчигдрийн сонсголд "Эрдэнэс Тавантолгой" ХК-ийнхан гэрчээр дуудагдсан бөгөөд нүүрсний хэрэгт цагдан хоригдож буй тус компанийн Гүйцэтгэх захирал асан Б.Ганхуяг ч гэрчээр дуудагдаад байсан.

Гэвч түүнийг шүүхийн шийдвэрээр цагдан хоригдож байгаа тул шүүхийн шийдвэрийг өөрчлөх боломжгүй хэмээн сонсголд оролцуулаагүй. Харин тэрбээр өөрөө сонсголд гэрчээр оролцох хүсэлтээ ар гэрийнхнээрээ дамжуулан Түр хорооны дарга Б.Энхбаярт хүргүүлсэн юм.

Тэгвэл өнөөдөр Б.Ганхуягийн ар гэрийнхэн мэдээлэл хийхээр болжээ. Тодруулбал, 11.00 цагт Монголньюс-ийн байранд мэдээллээ хийхээр болсон байна.