УУХҮ-ийн сайд Ж.Ганбаатар шатахуунтай холбоотой цаг үеийн асуудлаар сэтгүүлчдэд мэдээлэл өгөв.
Ингэхдээ "Энэ сарын 23-ны байдлаар 95 мянган тонн дизель түлш Монголд орж ирсэн. Үүний долоон мянга гаруй тонныг БНХАУ-аас импортолсон. Монгол Улсын дизель түлшний хэрэглээ сард ихдээ 90 мянган тонн байдаг. Харин шатахууны нийлүүлэлтэд асуудал үүссэн шалтгаан нь хоригтой 21 хоногийн хугацаанд нэг ч тонн АИ-92 болон дизель түлш импортоор аваагүйтэй холбоотой. Бид бүх нөөцөө шавхсан. БНХАУ-аас их хэмжээний захиалга хийхээр өнгөрсөн баасан гарагт төлбөрөө шилжүүлсэн. Энэ долоо хоногт багтаж, ирнэ" гэлээ.
