УИХ-ын чуулганы үдээс хойшхи хуралдаанаар УИХ-ын гишүүн О.Цогтгэрэл Ерөнхий сайдад тавьсан утаа, шахмал түлшний талаар асуулгын хариуг хэлэлцэж буй. Энэ үеэр УИХ-ын гишүүн О.Цогтгэрэл "Утааг ялсан гэж эрх баригчид 2020 онд хэлсэн. Гэвч бодит байдал дээр утаа нь улам өтгөрөөд байгаа шүү дээ" хэмээв.

Харин Эрчим хүчний сайд Б.Чойжилсүрэн "Утааг ялсан гэж хэлээгүй. Гэхдээ тодорхой үр дүн гарсныг хүн бүр мэдэж байгаа. Туршилт гэдэг үгийг улстөржүүлээд, мушгичихсан" гэх тайлбарыг өглөө.