Нийслэлийн АН-ын даргын сонгууль өнөөдөр болж, нэр дэвшигч Түмэндэлгэрийн Батцогт 56.1 хувийн саналаар ялалт байгуулсан талаар бид мэдээлсэн. Тэгвэл UBN сайт АТГ-т мэдүүлсэн түүний 2022 оны хөрөнгө орлогын мэдүүлгийг танилцуулж байна.
Т.Батцогтын жилийн орлого нь 58.7 сая төгрөг бол 443.6 саяар үнэлэгдэх нийтийн гурван орон сууц, нэг зуслангийн байшинтай юм байна. Түүнчлэн 29.8 сая төгрөгийн үнэ бүхий 32 адуу, 94 хоньтой. 18 сая төгрөгөөр үнэлэгдэх гурван газартай аж.
Тэрбээр, дотоодын банканд 105.7 сая төгрөгийн хадгалмжтай бол 31.4 сая төгрөгийн авлага, 301.4 саяын зээлтэй гэж хөрөнгө орлогын мэдүүлэгтээ мэдүүлсэн байна.
