Монголын сагсан бөмбөгийн холбоо, Сагсан бөмбөгийн Эздийн холбооны үл ойлголцлоос болж тамирчдын эрх ашиг зөрчигдөж байгаа талаар Монголын сагсан бөмбөгийн үндэсний дээд лигийн нийт тамирчид мэдээлэл хийсэн. Тэгвэл уг асуудалтай холбогдуулан Холбооны зүгээс тамирчдын эрх ашгийг хүндэтгэн үзэхээр болсон байна. Энэ талаар "Хасын хүлгүүд" багийн тамирчин Б.Билгүүн өөрийн цахим хуудсандаа,

"Хүчин төгөлдөр мөрдөгдөж байгаа дүрэм, журам, гэрээний хүрээнд тамирчдаа хохироохгүй байх шийдэл боломжийг холбооны ажлын хэсэг, мэргэжлийн зөвлөл, ёс зүйн хороо судлаж, Удирдах зөвлөлийн түвшинд танилцуулагдаж, холбогдох шийдвэрийг гаргаж танилцуулахыг уламжиллаа.

Тамирчид бидний эрх ашгийг хүндэтгэж, хүсэлтийг хүлээн авч шийдвэр гаргахаар ажиллаж байгаа Холбооны удирдлагад баярлалаа" хэмээн нийтэлжээ.