Улаанбаатар хотын нийтийн тээврийн парк шинэчлэлийн хүрээнд хийгдэж буй ногоон автобусны асуудал сүүлийн өдрүүдэд иргэдийн анхаарлыг ихээхэн татаад буй. Өчигдөр буюу аравдугаар сарын 2-ны өдөр ХҮН нам "Ногоон автобус"-ны асуудал хил дамнасан мөнгө угаах гэмт хэргийн шинжтэй үйлдэл байж болзошгүй тул хотын дарга Д.Сумъяабазар, сайд Ж.Сүхбаатар нарыг огцруулж, хууль хяналтын байгууллагаар шалгуулах хүсэлтийг Ерөнхий сайдад хүргүүлсэн талаар бид мэдээлсэн.

Тэгвэл өнөөдөр буюу аравдугаар сарын 3-ны өдрийн 10 цагт ХҮН намын хуульчид ногоон автобусыг үйлдвэрлэсэн Daewoo Bus компанийг Солонгосын хуулийн байгууллагаар шалгуулах хүсэлтийг Солонгосын элчин сайдын яаманд хүргүүлэх аж.