Ерөнхийлөгч асан Х.Баттулга хөдөө орон нутгуудаар явж "Хөх монгол хөх туг" уулзалтыг зохион байгуулж, Монголын ардчилсан холбоо /МоАХ/-ны гишүүд болон иргэдтэй уулзаж буй. Тус уулзалтыг одоогоор Баян-Өлгий, Баянхонгор, Өвөрхангай, Увс, Ховд зэрэг аймагт зохион байгуулаад байгаа бөгөөд өчигдөр тэд Завхан аймагт уулзалтаа хийжээ. Тус уулзалтад Ерөнхийлөгч асан Х.Баттулгын хамтаар УИХ-ын гишүүн С.Ганбаатар, УИХ-ын гишүүн асан Я.Санжмятав болон өнгөрсөн долоо хоногт АН-ын дэд даргаар томилогдсон П.Галиндэв, Завхан аймгийн Засаг дарга асан Д.Батсайхан тэргүүтэй АН-ын зарим гишүүд оролцжээ.