УИХ-ын 2023.07.03-ны өдрийн чуулганы нэгдсэн хуралдаанаар Монгол Улсын 2022 оны төсвийн гүйцэтгэлд хийсэн Үндэсний аудитын газрын тайланг хэлэлцэж УИХ-ын гишүүд асуулт асууж, хариулт авсан билээ. Мөн энэ үеэр боловсролын салбарын хөгжил, сургалтын хүртээмжтэй холбоотойгоор УИХ-ын гишүүн М.Оюунчимэг БШУ-ын сайд Л.Энх-Амгалангаас тодрууллаа.

Тэрбээр "Улсын хэмжээнд 47 сургуулийн 33 мянга гаруй хүүхэд 3 ээлжээр хичээллэж байна. Энэ нь хүүхдийн идэвхтэй суралцах биологийн цагт огтоос нийцэхгүй. Тиймээс бид сугалаагаар цэцэрлэгт хамрагддаг байсан явдлыг халж чадсан шигээ дээрх асуудлыг мөн даруй шийдэх шаардлагатай" хэмээв.