2023 оны Элсэлтийн ерөнхий шалгалт энэ сарын 15-нд түүх, англи хэлний хичээлээр эхэлж, өнөөдөр дуусч байна. Тодруулбал, өнөөдөр 10.00-11.40 цагийн хооронд физик, 13.00-14.20 цагт Орос хэл, 16.00-17.20 цагт Монгол хэлний шалгалт авснаар өндөрлөнө.

Энэ жил 34432 шалгуулагч бүртгүүлсэнээс энэ онд 12 дугаар ангийг төгсөж буй 30744 суралцагч байгаа бол өмнөх оны төгсөгч 3688 байна.

Шалгалтын зохион байгуулалтад багийн ахлагч, сэдэв хариуцагч, шууд засагч, хянагч багшийн ахлагч, зохион байгуулагч багш нар, эмч, үйлчлэгч, цагдаа гэсэн нийт 2460 хүний бүрэлдэхүүн ажиллаж байгаа юм.