УИХ-ын чуулганы ээлжит хуралдаан болж байна. Хуралдааны үеэр УИХ-ын гишүүн Г.Дамдинням дараах байр суурийг илэрхийллээ. Тэрбээр "Боловсролын Ерөнхий хуулиар орж буй нэг зохицуулалт бол сум, тосгон баг дахь төрийн болон орон нутгийн өмчит цэцэрлэгийн эрхлэгч, ЕБС-ийн багш ажилтнуудыг эхний таван жилдээ зургаан сар, цаашид гурван жил тутамд үндсэн цалинтай тэнцэх хэмжээний мөнгө олгохоор хуульчиолж байгаа. Энэ бол том дэмжлэг болно. Дараагаар нь, тус хуулийн төсөлд тусгагдсан өөр нэг агуулга бол 15-аас дээш жил боловсролын салбарт ажиллаж буй багш болон ажилтны нэг хүүхдийг эрэлттэй мэргэжлээр төрийн өмчийн их, дээд сургуулиудад үнэгүй сургана гэж хуульд тусгасан. Боловсрол дан ганц багш нараар явагддаггүй" гэлээ.