БНСУ-д хагалгааны заалттай хоёр настай хүүхдийг, “хараар” буюу хууль бусаар амьдарч байсан аавынх нь хамт хорьж Монгол руу буцаасан талаарх мэдээлэл тархаж, бид холбогдох хүмүүсээс мэдээлэл авч хүргэсэн.

Тэгвэл уг асуудлаар ГХЯ-аас "Тухайн иргэн БНСУ-д хууль бусаар оршин сууж байгаад Цагаачлалын албанд баригдаж, саатуулагдсан. 2 настай хүүхдийг нь харж хандах хүнгүй гээд аавтай нь хамт байлгасан бөгөөд хүүхдийг асран хамгаалах хүнийг олох гэж хайж, судалсан. Хүүгийн ээж нь БНСУ-д байдаг боловч хүүхдээ авах боломжгүй гэж татгалзсан учир БНСУ-ын Цагаачлалын албанаас хүүхдийг аавтай нь хамт буцаах шийдвэр гаргасан байна" гэлээ.