БНСУ-д хагалгааны заалттай хоёр настай хүүхдийг, “хараар” буюу хууль бусаар амьдарч байсан аавынх нь хамт хорьж Монгол руу буцаасан талаарх мэдээлэл гарсан.

Тэгвэл уг асуудалтай холбоотойгоор ГХЯ-ны холбогдох хүнээс торуулахад дараах хариултыг өглөө. Тэрбээр “Хүүхдийн биеийн байдал хэвийн байгаа. Манайхаас тус улсын холбогдох албаны хүмүүстэй хамтарч эмчид үзүүлсэн. Хүүхдийн аавын тухайд тус улсад хууль бусаар буюу харласан байсан нь үнэн. Хүүхдийн ээж нь мөн л хууль бусаар амьдардаг учраас Солонгосын цагаачлалын албаныхан баривчилж, хоёр настай хүүхдийг нь өөр асран хамгаалагч байхгүй гэх шалтгаанаар хамт хорьсон юм билээ” гэв.