Монгол Улсын Засгийн газраас 2023 оныг “Авлигатай тэмцэх жил” болгон зарлаж, “5Ш” ажиллагааг явуулна гэдгээ албан ёсоор зарласнаас хойш сар гаруйн хугацаа өнгөрсөн байна. Тус ажиллагааны нэг болох "Шилэн" ажиллагааны хүрээнд өнөөдөр /2023.04.17/ УИХ-ын гишүүн, ЦХХХ-ны сайд Н.Учрал мэдээлэл өглөө. Энэ үеэр тэрбээр "Төрийн өмчит болон төрийн өмчийн оролцоотой 71 байгууллагын ТУЗ-ийн гишүүдийн 612 нэрсийг ил болгож байсантай холбогдуулан мэдээлэл хариуцагч нараас ирүүлсний дагуу 58 байгууллагын ТУЗ-ийн 504 гишүүний цалингийн мэдээллийг байршуулж байна. Нийгэмд ТУЗ-ийн гишүүд өндөр цалин авдаг, олон газрын ТУЗ-д харьяалагддаг гэх шүүмжлэл байсан. Ийнхүү ил болсноор асуудалд сургаар хандхааргүй болж байна" гэлээ.