БШУ-наас Боловсролын сангаас зээл аваад төлөөгүй байгаа 230 суралцагчийн нэрсийг олон нийтэд ил болголоо. Эдгээр суралцагчдын асуудалтай холбоотойгоор БЗС-нд 27 тэрбум төгрөгийн эрсдэл үүсээд буй. Тухайлбал, “Иргэдийн шударга шүүх” төрийн бус байгууллага (ТББ)-ын тэргүүн Х.Бат-Ялалт нь АНУ-ын Оклахомагийн их сургуульд хоёр жилийн хугацаанд суралцжээ. Хууль, эрх зүй чиглэлээр суралцсан түүний хувьд Боловсролын зээлийн сангаас 49,251 мянган ам.долларын зээл авснаа төлөөгүй хэмээн нээлттэй мэдээлэлд дурджээ.
