МАН-ын Удирдах зөвлөл өнөөдөр 15 цагаас хуралдахаар товлогдсон талаар эх сурвалж мэдээллээ. Тодруулбал, Удирдах зөвлөлийн хурлаар Хөдөлмөр, нийгмийн хамгааллын сайдын томилгооны асуудлыг хэлэлцэх юм байна. Хуулийн дагуу УИХ-д танилцуулснаас хойш 14 хоногийн дотор орон гарсан сайдын албан тушаал дээр дараагийн хүнийг нь томилох учиртай.

Тэгвэл одоогийн байдлаар хэнийг томилох нь тодорхойгүй байгаа ч Н.Энхбаярын талаас хүн томилох бололтой. Хэрвээ Н.Энхбаярын талаас хүн томилбол УИХ-ын гишүүн Э.Батшугар, эсвэл дэд сайд асан Б.Тулга нарын нэгийг томилох. Эмэгтэй гишүүдээс дараагийн сайдыг тавих бол М.Оюунчимэгийн нэр ч бас давхар яригдаж буй аж. Мөн 13 цагаас бүлгийн дарга Д.Тогтохсүрэнгийн өрөөндөө эмэгтэй гишүүдтэй уулзана гэдэг мэдээллийг эх сурвалж өглөө.

Г.Лхагвадорж