Өнөөдөр Шүгэл үлээгчийн эрх зүйн байдлын тухай хуулийн төслийн хэлэлцүүлэг Төрийн ордонд боллоо. Хэлэлцүүлэгт Трансперенси интернэшнл Олон Улсын судалгааны байгууллагын төлөөлөл, АТГ, мэргэжлийн холбоодын төлөөллүүд оролцож байр сууриа илэрхийллээ.

Хэлэлцүүлгийг нээж УИХ-ын дарга Г.Занданшатар үг хэлэхдээ "Ардчилал гэдгийг юу дуртайгаа хийж болно. Гэр бүл, нийгмийн харилцаанд, төр иргэний харилцаанд хэм хэмжээ баримтлахгүйгээр оролцож болно гэсэн ойлголт нийгэмд бий болсон байна. Иймээс ёс зүйн алдагдсан хэм хэмжээг сэргээхийн тулд хуульд өөрчлөлт оруулах шаардлага тулгарч байгаа. Ёс зүйн тухай хууль, Шүгэл үлээгчийн тухай хууль, УИХ-ын Хянан шалгах хуулиуд бүгд хоорондоо уялдах шаардлагатай" гэв.