“Теди“ худалдааны төвд 40 настай эрэгтэй ухаан алдаж унан нас барсан хэрэг өчигдөр гарсан билээ. Тодруулбал, ЧД-ийн 5-р хороо “Теди төвийн 2 давхарт хүн ухаан алдаж унаад амьсгалахгүй байна” гэсэн дуудлага, мэдээлэл дөрөвдүгээр сарын 03-ны өдрийн 16.10 минутад цагдаагийн байгууллагад иржээ.

Дуудлага, мэдээллийн дагуу цагдаагийн байгууллагаас шинжээч эмчийг оролцуулан шалгахад 40 настай эрэгтэй А нь гар утас үзэж байгаад татаж, ухаан алдан унахад худалдагч зүрхэн тус газарт нь тасралтгүй иллэг хийсэн ч НТТТ-ийн 103-ын эмч ирэхэд нас барсан байна.

Тухайн үйл явдал болоход 4 худалдагч 1 үйлчлүүлэгч байсан бөгөөд амь хохирогч нь 2020 онд цус харваж группт гарсан, байнгын даралт өндөртэй байсан байна.