Нүүрсний гэх тодотголтой авлига, албан тушаалын гэмт хэрэгт яллагдагчаар татагдсан УИХ-ын гишүүн Т.Аюурсайхан, Н.Наранбаатар, “Ажнай” Д.Бат-Эрдэнэ нарын бүрэн эрхийг түдгэлзүүлэх асуудлаар хуралдсан Халдашгүй байдлын дэд хорооны хурал дөнгөж сая дууссан. Тэгвэл үүсээд буй улс төрийн нөхцөл байдалтай холбогдуулан ҮАБЗ-ийн хурал зарлагдаагүй ч төрийн гурван өндөрлөг Ерөнхийлөгчийн өрөөнд уулзаж, санал солилцож байгаа талаар эх сурвалж мэдээллээ. Тэдний уулзалтын дараагаар Халдашгүй байдлын дэд хорооноос гарсан шийдвэртэй холбогдуулан МАН-ын бүлэг ээлжит бусаар хуралдахаар хүлээж байгаа аж.