Аялагч, олон улс судлаач Амай буюу Ж.Золбаярыг хар тамхины хэргээр шалгаж эхэлжээ. Тодруулбал, түүний гэрээс энэ сарын 24-ний өдөр дельта-9 тетрагидроканнабинолын агууламжтай өвс гэх нэршилтэй бодисыг олж илрүүлсэн байна.

Ж.Золбаяр нь тус бодисыг хууль бусаар олж, авч хадгалж байсан гэж эх сурвалж мэдээллээ. Улмаар түүнд сорил хийхэд урьдчилсан байдлаар дээрх мансууруулах бодисыг хэрэглэсэн нь тогтоогдсон аж. Иймээс нарийвчилсан шинжилгээ хийлгэхээр шинжээч томилжээ.

Сануулахад, тус бодис нь НҮБ-ын 1971 оны “Сэтгэцэд нөлөөт бодисын тухай” конвенцын 2 дугаар жагсаалтад багтсан байдаг аж.