БШУ-ны сайд Л.Энх-Амгалан Боловсролын зээлийн сангаас зээл авсан хүмүүсийн мэдээллийг ил болгож буйгаа мэдээллээ. Тэрбээр "1997 оноос хойшхи 921 хүүхдийн зээлийн гэрээг чөлөөлсөн. 700 гаруй хүүхдийн гэрээний үүрэг нь дуусаагүй байгаа. Мөн зээл авч гадаад улсад сурсан ч зээлээ эргэн төлөөгүй 230 хүүхдийн материалыг хуулийн байгууллагад шилжүүлж байна. Энэ нь 10 гаруй тэрбум төгрөгтэй тэнцэх хэмжээний эрсдэл Боловсролын зээлийн санд үүсээд байна. Мөн зээлээ төлөөгүй хүүхдүүдийн мэдээллийг Монголбанкны мэдээллийн санд оруулна" хэмээлээ.